Кӯлоб, 21 апрел. - Ҳамчунин музди меҳнати корхонаҳои буҷавӣ пурра пардохт гардида, ҳаҷми умумии истеҳсоли маҳсулоти кишоварзӣ ба 107% расид, зикр намуд дар нишасти матбуотӣ раиси шаҳри Кӯлоб Ҳамид Абдуллоев. Хабарнигорон пиромуни масоили таъмини аҳолӣ бо гази табиӣ ва рафти тақсими замин ба шаҳрвандон барои бунёди манзилҳои истиқоматӣ савол дода посухи мушаххас гирифтанд. Дар нишаст аз ҷониби масъулин фаъолияти ҳамаи бахшҳои хоҷагии халқи шаҳру ноҳияи Кӯлоб дар ин давраи ҳисоботӣ қаноатбахш арзёбӣ гардид.

Чунин нишасти матбуотӣ бо ширкати доираи васеи хабарнигорони минтақаи Кӯлоб дар ноҳияи Восеъ баргузор гардид. Роҳбарияти мақомоти маҳаллӣ оид ба натиҷаҳои тараққиёти иҷтимоию иқтисодӣ дар семоҳаи аввали соли 2011 маълумот пешниҳод намуданд. Аз ҷумла қайд гардид, ки дар ин давра тавассути фаъолияти назарраси бахши маънавиёт аз 51 нафар шаҳрвандони ноҳия, ки дар мактабҳои ғайрирасмии мамолики хориҷӣ таҳсил мекарданд, 40 нафар ба ватан бозпас гаштанд. Вазъи аз қайди давлатӣ гузаштани масҷидҳои ҷомеъ ва дар доираи Қонуни ҶТ «Дар бораи озодии виҷдон ва иттиҳодияҳои динӣ» амал намудани онҳо ба низоми муайян дароварда шуд.

Ҳамчунин атрофи дигар масоили рӯзмарра, аз ҷумла таъмини аҳолӣ бо оби ошомиданӣ ва тақсими қитъаҳои замин барои манзили зист пурсишу посух сурат гирифт.