Президенти Ҷумҳурии Тоҷикистон Эмомалӣ Раҳмон бо роҳбарони сохторҳои қудратӣ ва мақомоти ҳифзи ҳуқуқу тартиботи кишвар машварати корӣ доир намуд.
Душанбе, 18 апрел. - Зимни сӯҳбат Сарвари давлат Эмомалӣ Раҳмон нахуст ба роҳбарон ва ҳамаи ҳайати шахсии ин сохторҳо ва ҳамчунин ба ҳар як нафаре, ки дар амалиёти зидди дастаи террористии байналмилалии Абдулло Раҳимов- «Мулло Абдулло» иштироки фаъол намудаанд, аз номи худ ва Ҳукумати Ҷумҳурии Тоҷикистон миннатдорӣ намуд.
Таъкид гардид, ки амнияту суботи пойдор асоси ҳама гуна пешрафту тараққиёт ва рушди ҳаёти ҷомеа аст ва онҳое, ки барои ҳифзи ҳаёти осоиштаи мардуми кишвар заҳмат мекашанд, пайваста мавриди таваҷҷӯҳ ва ғамхории Ҳукумати Ҷумҳурии Тоҷикистон қарор доранд.
Сарвари давлат Эмомалӣ Раҳмон ба роҳбарони сохторҳои қудратӣ ва мақомоти ҳифзи ҳуқуқу тартиботи кишвар, ҳамчунин доир ба таҳкими минбаъдаи амнияту субот ва пурзӯр намудани мубориза бо унсурҳои ҷиноӣ дастуру ҳидоятҳо дод.
