бо дастгирии шӯъбаи ташкилоти байналмилалии Институти «Ҷамъияти кушода» - и Бунёди мадад дар Тоҷикистон рӯзи 14 –уми апрели соли 2011 бо иштироки судяҳо, намояндагони Маҷлиси намояндагони Маҷлиси Олӣ, кормандони мақомоти прокуратура, адвокатҳо, намояндагони ташкилотҳои ғайридавлатӣ ва ВАО – и кишвар дар мавзӯи «Таҷрибаи татбиқи Кодекси мурофиавии ҷиноятӣ, проблемаҳо ва роҳҳои ҳалли онҳо» дар толори маркази таълимии судяҳои назди Шӯрои адлияи Ҷумҳурии Тоҷикистон мизи мудаввар баргузор гардид.

Раиси Шӯрои адлияи ҶТ Зафар Азизов гуфт, ки давлат ва Ҳукумати ҶТ ҷиҳати таҳкими минбаъдаи ҳокимияти судӣ ва баланд бардоштани нақш ва мавқеи он дар ҷомеа баҳри ҳифзи ҳуқуқу озодиҳои инсон ва шаҳрванд, манфиати давлат, таъмини қонуният, адолати судӣ ва иҷтимоӣ тадбирҳо меандешад. Бо мақсади таҳкиму рушди ҳокимияти судӣ дар кори гузаронидани ислоҳоти судӣ - ҳуқуқӣ бо Фармони Президенти ҶТ аз 23 –юми июни соли 2007 «Барномаи ислоҳоти судӣ - ҳуқуқӣ» тасдиқ гардид, ки он марҳила ба марҳила амалӣ гардид.

Вобаста ба таъмини иҷрои барномаи мазкур дар ҷумҳурӣ як қатор қонунҳо, аз ҷумла Кодексҳои мурофиавии гражданӣ, мурофиавии ҷиноятӣ, ҳуқуқвайронкунии маъмурӣ, мурофиавии суди иқтисодӣ қабул гардиданд, ки онҳо ба таҳкими ҳокимияти судӣ мусоидат менамоянд.

Дар кори ҷаласаи мизи мудаввар судяҳо, вакили Маҷлиси намояндагон, раиси Кумитаи ҳуқ ва қонунгузории Маҷлиси намояндагон Маҳмадалӣ Ватанов, кормандони мақомоти прокуратура ва адвокатҳо дар мавзӯъҳои «Муқаррароти Кодекси мурофиавии ҷиноятӣ вобаста ба салоҳияти судҳо оид ба парвандаи ба суд воридшуда», «Кафолати таъмини ҳуқуқу озодиҳои шахс ҳангоми пешбурди парвандаҳои ҷиноятӣ», «Татбиқи меъёрҳои Кодекси мурофиавии ҷиноятӣ вобаста ба маҳдуд кардани ҳуқуқҳои конститутсионии инсон», «Риояи принсипи мубоҳиса ва баробарии тарафҳо» сухан гуфтанд.
Cипаc, аз рӯи масъалаҳои рӯзномаи ҷаласа саволу ҷавоб доир гардид.