Душанбе, 28 феврал. - Ба гуфти масъулини Вазорати тандурустӣ давлати Ҷопон дар асоси се лоиҳа ба беморхонаҳои шаҳри Норак, ноҳияҳои Фархор ва Ҷиликӯл ба маблағи 317 ҳазор доллари амрикоӣ таҷҳизоти тиббӣ ворид намуда, беморхонаҳо таҷдид ва шӯъбаҳои алоҳидаи онҳо бо таҷҳизоти навтарини замонавӣ муҷҷаҳаз гардонида мешаванд.

Бо мақсади амалӣ намудани лоиҳаҳои минтақавӣ, беморхонаи рақами 2 –и деҳоти «Нури Вахш» -и ноҳияи Ҷиликӯл, ки ҳанӯз соли 1955 аз хишти хом сохта шудааст, бо гузашти айём фарсуда шуда хавфи афтидан дорад. Азбаски ин беморхона ҳам барои беморон ва ҳам барои фаъолияти табибон носозгор, аз нав таҷдид мегардад.

Ҳукумати Ҷопон барои азнавсозии беморхона ва сохтмони як иншооти иловагӣ дар масоҳати 172 метри квадратӣ 106 ҳазор доллари амрикоӣ ҷудо менамояд.