Тақсими 25 гектар замин ба мардум
25 феврал 2011 | Хонданд: 554 нафар | Ҷамъият
Амри Президенти кишвар дар бораи ҷудо намудани замин ба хотири бунёди хонаҳои истиқоматӣ ва қитъаҳои замини наздиҳавлигӣ чун ғамхории навбатии ӯ нисбат ба мардум маънидод гардида, аз ҷониби роҳбарони навоҳӣ амалӣ мегардад.
Хоруғ, 25 феврал. - Тавре раиси Кумитаи заминсозии ВМКБ М. Додихудоев иттилоъ дод, дар вилоят аз ҳисоби заминҳои барои кишт номувофиқ ва боғҳое, ки аз истифода баромадаанд, 25 га замин ҷудо шуд.
Ба ақидаи коршиносон ин амри Президенти кишвар саривақтию зарурист, зеро солҳои охир теъдоди сокинони деҳот афзуда, талабот ба замин барои сохтани хонаи истиқоматӣ зиёд гардид. Айни замон ба Кумитаи заминсозии вилоят барои дарёфти замин 2490 нафар бо ариза муроҷиат намудаанд.
