Душанбе, 24 феврал. - Дар моҳи январи соли 2011 Ҷумҳурии Тоҷикистон дар асоси талаботи бозори ҷаҳонӣ ба маҳсулоти пахтагин содироти нахи пахтаро нисбат ба моҳи январи соли 2010 ду баробар зиёд намуд. Дар ин муддат ҳамчунин содироти фулузоти арзонбаҳо ва маснуоти аз он истеҳсолшаванда ба андозаи 19,6 фоиз ва маҳсулоти маъданӣ 3 баробар зиёд гардид.

Воридоти маҳсулоти кимиёвӣ дар соли нави 2011 ба андозаи 87,3 фоиз, маҳсулоти маъданӣ 22 фоиз, маҳсулоти тайёри озуқа 2,5 баробар ва маҳсулоти растанӣ 32,9 фоиз зиёд шуд.

Дар айни замон воридоти васоити нақлиёт 4,7 фоиз, қувваи барқ 37 фоиз ва гази табиӣ 8,9 фоиз кам шудааст.