Даргузашти шоири халқии Тоҷикистон
22 феврал 2011 | Хонданд: 570 нафар | Ҷамъият
22 феврал дар синни 66-солагӣ дар шаҳри Душанбе шоири халқии Тоҷикистон ва драматурги шинохта Сафармуҳаммад Аюбӣ пас аз бемории тӯлонӣ аз олам даргузашт.
Душанбе, 22 феврал. - Сафармуҳаммад Аюбӣ 20 декабри соли 1945 дар шаҳри Кӯлоб дар оилаи хизматчӣ таваллуд шуда, соли 1974 факултаи филологияи руси Донишгоҳи давлатии шаҳри Кӯлобро хатм кардааст. Баъди хизмат дар сафи Артиши Шӯравӣ фаъолияти худро дар соли 1976 аз идораи нашрияи вилоятии «Роҳи Ленин» оғоз намудааст.
Сафармуҳаммад Аюбӣ барандаи ҷоизаи давлатии ба номи Устод Рӯдакӣ ва муаллифи чандин маҷмӯаи шеърӣ ва намоишномаҳо буда, аз соли 1986 узви Иттифоқи нависандагони Тоҷикистон буд.
