бо иштироки аъзои Шўро машварати корӣ доир гардид.

Душанбе, 10 феврал. - Таъкид шуд, ки бо мақсади густариши ислоҳот оид ба такмили фазои сармоягўзорӣ ва фароҳам овардани шароити зарурӣ барои рушди фазои соҳибкорӣ бо қарорҳои Ҳукумати Ҷумҳурии Тоҷикистон нақшаи чорабиниҳои Ҳукумати Ҷумҳурии Тоҷикистон оид ба беҳтар намудани фазои сармоягўзорӣ ва нишондиҳандаҳои Ҷумҳурии Тоҷикистон дар рейтинги байналмиллалӣ, Барномаи давлатӣ оид ба беҳтар намудани имконияти содиротии меваю савзавот барои солҳои 2010 -2012 ва Нақшаи чорабиниҳои Ҳукумати Ҷумҳурии Тоҷикистон ҷиҳати татбиқи технологияҳои иттилоотию коммуникатсионӣ барои такмили идоракунии давлатӣ қабул гардида, дар ҳолати иҷро қарор доранд.
Аз нўҳ банди Нақшаи чорабиниҳои Ҳукумати Ҷумҳурии Тоҷикистон оид ба беҳтар намудани фазои сармоягўзорӣ ва нишондиҳандаҳои Ҷумҳурии Тоҷикистон дар рейтинги байналмиллалӣ панҷ банди он ба пуррагӣ ва чор банди дигар қисман иҷро гардида, вобаста ба иҷрои дигар барнома ва нақшаи чорабиниҳо гўруҳҳои корӣ фаъолият бурда истодаанд.
Оқил Оқилов аъзои Шўрои машваратӣ ва дигар шахсони масъулро вазифадор намуд, ки барои иҷрои ҳама чорабиниҳои барнома ва нақшаи чорабиниҳои қабулгардида, ки асосан ба беҳтар намудани фазои сармоягўзорӣ, такмили идоракунии давлатӣ, афзун гардонидани истеҳсоли маҳсулоти дохилӣ, боло бурдани имконоти содиротии мамлакат ва дастгирии соҳибкорӣ равона шудаанд, тадбирҳои зурурӣ андешанд.