Маъракаи ниҳолшинонӣ дар боғи миллии «Ваҳдат»
8 феврал 2011 | Хонданд: 544 нафар | Ҷамъият
Дар ҳашари ниҳолшинонӣ ва ободонӣ санаи 5 феврал дар шаҳру ноҳияҳои вилояти Суғд беш аз 128 000 нафар сокинони вилоят иштирок намуда, 155,5 гектар боғу токзорро бунёд, 67,5 гектар боғҳои кӯҳнаро барқарор намуда, 116 185 бех ниҳол шинониданд.
Душанбе, 8 феврал. - Аз ҷумла, ниҳолҳои зардолу, шафтолу, себ ва ниҳолҳои сояафкану ороишӣ шинонида шуд.
Раиси вилояти Суғд Қоҳир Расулзода дар ин маърака дар боғи миллии «Ваҳдат»-и ноҳияи Бобоҷон Ғафуров ширкат варзида, ба боғдорон ҷиҳати парвариши ниҳолҳо, дарахтони мевадиҳанда, бахусус навъҳои нодир дастуру маслиҳат дод ва пешниҳод намуд, ки ҳамкориро бо олимони соҳа тақвият диҳанд.
