Ҳунармандони «Лаҳзаҳои гуворо» соҳиби хона шуданд
31 январ 2011 | Хонданд: 629 нафар | Ҷамъият
Чор нафар аз ҳунармандони шинохтаи барномаи телевизионии «Лаҳзаҳои гуворо» - Холмурод Сиддиқов, Нуриддин Насриддинов, Гулбибӣ Абдулҳаева ва Ҷамшед Ҳалимов соҳиби хонаҳои чорҳуҷрагӣ гардиданд.
Душанбе, 31 январ. - Калиди хонаҳоро дар ҷаласаи шаҳрдорӣ Раиси шаҳри Душанбе Маҳмадсаид Убайдуллоев дар маросими тантанавӣ ба ҳунармандон супорид. Бояд зикр кард, ки хонаҳо ба ҳунармандон тибқи иҷрои супоришу дастури Президенти мамлакат Эмомалӣ Раҳмон тақдим гардиданд.
Тибқи иттилои котиби матбуотии Раиси шаҳри Душанбе Шавкат Саидов, инчунин ба навозандаи ансамбли «Дарё»-и назди Кумитаи телевизион ва радио Гулбаҳор Шокирова калиди хонаи сеҳуҷрагӣ тақдим гардид.
