Дар ҷумҳурӣ теъдоди истифодабарандагони алоқаи барқӣ ба 329 ҳазору 984 муштарӣ ва алоқаи мобилӣ ба 5 миллиону 940 ҳазору 842 муштарӣ расид ва он пайваста афзоиш меёбад.
Душанбе, 26 январ. - Ин рақам аз забони вазири нақлиёт ва коммуникатсияи Ҷумҳурии Тоҷикистон Олим Бобоев зимни нишасти матбуотӣ садо дод.
Миқдори истифодабарандагони фаъоли шабакаи интернет дар ин давра бо назардошти истифодабарандагони хизмати интернетӣ тариқи пайвасти бесим 954 ҳазору 562 нафарро ташкил медиҳад.
Аз ҳамаи намудҳои фаъолият КВД «Почтаи Тоҷик» 6 миллиону 200 ҳазор сомонӣ маблағ ба даст овард, ки нисбат ба ҳамин давраи соли гузашта 14,8 фоиз зиёд мебошад.
Барои нигаҳдории роҳҳои автомобилгард 39475,6 ҳазор сомонӣ аз буҷети ҷумҳуриявӣ ва маҳаллӣ маблағгузорӣ шуд, ки дар натиҷа 6741 км роҳи автомобилгард аз таъмири ҷорӣ бароварда шуд.
