Сокинони Бӯстон об захира намоед!
24 январ 2011 | Хонданд: 586 нафар | Ҷамъият
Интиқоли обӣ нӯшокӣ ба қисматҳои алоҳидаи маҳаллаҳои аҳолинишини комбинати коркарди чӯб (ДОК), Бӯстон 1, 2, 3 ва Камола аз соати 9-и 25 январ то соати 22-и 26 январи соли 2011, ба муддати 36 соат қатъ карда мешавад.
Душанбе, 24 январ. - Ин тадбир бо мақсади пайваст намудани шоҳқубурҳои д-600мм ва д-300мм дар кӯчаи Айнӣ андешида шудааст.
Дар робита аз сокинони маҳаллаю кӯчаҳои зикргардида хоҳиш карда мешавад, ки миқдори зарурии оби нӯшокиро барои якуним шабонарӯз захира намоянд.
Тибқи қарори марбутаи Раиси шаҳри Душанбе Маҳмадсаид Убайдуллоев, Раиси ноҳияи Шоҳмансур Фатҳулло Буриев ва масуълини Корхонаи воҳиди давлатии «Обу корези Душанбе» муваззаф шудаанд, ки бо истифода аз мошинҳои обкашӣ сокинони маҳаллаю кӯчаҳои мазкурро бо оби нӯшокӣ таъмин намоянд.
