Шаҳрдорӣ мушкилоти сокинонро осон гардонд
10 январ 2011 | Хонданд: 599 нафар | Ҷамъият
Раиси шаҳри Душанбе Маҳмадсаид Убайдуллоев беш аз 20 нафар сокинони пойтахтро, ки муроҷиатҳояшон дар сатҳи муовинони раисони шаҳр ва раисони ноҳияҳо роҳи ҳалли худро наёфта буд, 8 январ ба ҳузур пазируфт.
Душанбе, 10 январ. - Тибқи иттилои котиби матбуотии Раиси шаҳри Душанбе Шавкат Саидов, мӯҳтавои муроҷиати шаҳрвандонро асосан масъалаи баҳси манзили шахсӣ, дастрасӣ ба манзили истиқоматии иҷоравӣ, қитъаи замин барои сохтмони манзили истиқоматии индивидуалӣ ва кӯмакҳои молиявию маслиҳатӣ ташкил медод.
Вобаста аз салоҳиятҳои Раиси шаҳр нисбат ба муроҷиати шаҳрвандон тадбирҳои мушаххас андешида шуд.
