Дар соли 2011 Вазорати корҳои хориҷии Ҷумҳурии Тоҷикистон рисолати худро бобати таҳкиму тавсеаи робитаҳо ва ҳамкориҳои дуҷонибаю бисёрҷонибаи кишвар бо давлатҳои мухталифи ҷаҳон
ва созмонҳои байналмилалӣ ба таври зарурӣ иҷро намуд.
Душанбе, 27 январ. (ТВ "Сафина", Муродов В.) - Ин нуқта дар гузориши масъулони вазорати мазкур дар нишасти матуботӣ баён гарид.
Зикр шуд, ки дар давоми сол 110 ҳайати гуногунсатҳи кишварҳои хориҷӣ ва созмонҳои байналмилалӣ ба Тоҷикистон ташриф оварданд Ин боздидҳо ба инкишофи пойгоҳи ҳуқуқии муносибатҳои Тоҷикистон, рушди муносибатҳо бо кишварҳои дўст, созмонҳои байналмилалӣ ва ниҳодҳои байналмилалии молиявӣ мусоидати фаъол намуд. Ба имзо расидани силсилаи созишномаҳо бо Россия, Белорусия,Украина ва Эрон барои бештар фаъол шудани ҳамкориҳои гуногунҷанбаи ҷумҳурӣ бо ин кишварҳо такони тоза бахшид.
Дар посух ба суоли рўзноманигорон вобаста ба масъалаи муаяннамоии ҳудудҳои марзии Тоҷикистон бо кишварҳои ҳамсарҳад иброз гардид, ки комиссияҳои муштараки соҳавӣ байни Ҷумҳурии Тоҷикистон ва Ҷумҳурии Қирғизистон дар давоми сол корҳои назаррасро анҷом додаст. Чунин як комиссияи муаяннамоии марз байни Ҷумҳурии Тоҷикистон ва Ҷумҳурии Узбекистон низ соли гузашта ба фаъолият шурўъ намуд.
