Тавассути ҳамаи намудҳои нақлиёт ҳаҷми боркашонӣ ба андозаи 17миллиону 654ҳазору 600тонна ва мусофирбарӣ дар ҳаҷми 164миллион 728ҳазору 500 мусофир таъмин гардид, хабар шуд дар нишасти матбуотии Вазорати нақлиёти кишвар.
Душанбе, 24 январ. (ТВ "Сафина", Муродов В.) - Ҳаҷми боркашонӣ тавассути нақлиёти автомобилӣ дар давраи ҳисоботӣ 112,1 фоиз, нақлиёти роҳи оҳан 88,5 фоиз, нақлиёти ҳавоӣ 185 фоиз, мусофирбарӣ бошад тавассути нақлиёти автомобилӣ 102,2 фоиз нисбати натиҷаҳои соли 2010 афзоиш ётааст.
Дар самти боркашонӣ ва мусофирбарии байналмилалӣ бошад, тавассути нақлиёти автомобилӣ аз 26 давлати хориҷи дур ва 13 мамлакати Иттиҳоди Давлатҳои Мустақил тавассути 49 ҳазору 144 автомобил, 911 ҳазору 200 тонна бор ва 83,1 ҳазор мусофир ворид гардида, тавассути 47 ҳазору 888 автомобил, 109,2 ҳазор тонна бор ва 85,7 ҳазор мусофир содир карда шуд.
Дар нишасти матбуотӣ, инчунин атрофи масъалаҳои татбиқи лоиҳаҳои инвеститсионии дар бахши нақлиёту коммуникатсия амалишаванда, вазъи роҳҳои автомобилгарди ҷумҳуриявию маҳаллӣ ва дигар самтхои фаъолият, ки бевосита ба Вазорати нақлиёти Ҷумҳурии Тоҷикистон бастагӣ дорад, дахл карда шуда, аз роҳбарият ва масъулон посухҳои мушаххас гирифта шуд.
