инчунин 15 иншооти маишӣ, аз қабили марказҳои савдо, чойхонаҳо, тарабхонаву нонвойхона ва коргоҳҳои хурди истеҳсолиро сохта мавриди баҳрабардорӣ қарор дод, ки муҳимтарини аз онҳо сехи одёлбарорӣ дар ноҳияи Данғара ва корхонаҳои коркарди меваю сабзавот дар навоҳии Ховалинг, Файзобод ва Бобоҷон Ғафуров мебошад, дар ин бора роҳбари Раёсати Иттифоқи Тоҷикматлубот Сироҷидиин Валиев, ки дар ҷамъи хабарнигорон сўҳбат мекард, хабар дод.

Мавсуф аз ҳаҷми харидорӣ ва захира шудани беш аз 23 ҳазору 400 тонна маҳсулоти кишварзӣ, аз ҷумла картошка, пиёз, меваҷот, зироати полезӣ, сабзавот ва ғалладонагиҳо изҳори эътимод зоҳир намуда, зикр кард, ки ин миқдор молу мавод метавонад талаботи бозори истеъмолиро то нимаи дуюми мохи апрели соли ҷорӣ комилан таъмин ва арзиши онро танзим намояд. Зимнан Тоҷикматлубот, ҳамчунин имконият дорад, ки аз ҳосили 49 гармхонаи ташкилнамудаи худ, ки дар онҳо помидору бодиринг, карам, кабудиҳо ва дигар маҳсулоти барвақтӣ парвариш меёбанд, истифодабариро оғоз кунад, гуфт роҳбари Раёсат.

Ҳамчунин хабар дода шуд, ки дар давоми соли ҷорӣ аз ҷониби ин ташкилот Корхонаи коркарди пўсту пашм бунёд ва мавриди баҳрабардорӣ қарор дода хоҳад шуд. Инчунин масъалаи ташкили сардхона ва анборхо барои нигоҳдории маҳсулот, мавриди назар буда, қарор аст он дар ноҳияҳои тобеъи марказ ташкил карда шавад ва дар навоҳии кўҳистони кишвар бошад анборҳои зеризаминӣ сохта ба истифодабарӣ дода хоҳад шуд, таъкид шуд дар нишасти матбуотӣ.

З. Каримов
24/01/2012