Дар соли 2011 вазорат дар соҳаи ҳуқуқэҷодкунӣ ба 2 ҳазору 558 лоиҳаҳои санадҳои меъёрии ҳуқуқӣ ва 2 ҳазору 118 санадҳои ҳуқуқии байналмилалӣ хулосаи ҳуқуқӣ омода намуд.
Душанбе, 10 январ. (ТВ "Сафина", У. Аҳмадов) - Илова бар ин вазорат 33 лоиҳаҳои қонунҳоро бевосита таҳия намуда, ба баррасии Ҳукумати Ҷумҳурии Тоҷикистон пешниҳод кард.
Бо риояи талаботи Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» дар давраи ҳисоботӣ 82 санади меъёрии ҳуқуқии умумиҳатмӣ аз вазоратҳои нақлиёт, маориф, тандурустӣ, Бонки миллии Тоҷикистон Агентии сохтмон ва Кумитаи андози назди Ҳукумати Ҷумҳурии Тоҷикистон, ва дигар вазорату идораҳо ба қайди давлатӣ гирифта шуда, бақайдгирии 184 санади меъёрии ҳуқуқӣ рад карда шуд.
Дар давраи ҳисоботӣ ҷаласаҳои Шўрои вазирони адлияи давлатҳои аъзои Иттиҳоди иқтисодии Авруосия 19-24 майи соли 2011 дар шаҳри Санкт-Петербург, ҷаласаҳои 6 ва 18 Шўрои вазирони адлияи давлатҳои иштирокчии Иттиҳоди Давлатҳои Мустақил ва давлатҳои аъзои Иттиҳоди Авруосиё санаи 21-24 сентябри соли 2011 дар шаҳри Душанбе гузаронида шуд. Таъкид шуд дар нишасти хабарии Вазорати адлияи Ҷумҳурии Тоҷикистон.
