Дар Маркази намоишгоҳи умумирусиягӣ ҷаласаи Шӯрои байнидавлатӣ оид ба фаъолияти Иттиҳоди Давлатҳои Мустақил дар бахши намоишгоҳу ярмаркаҳо баргузор гардид.
Душанбе, 18 январ. - Тавре аз маркази матбуоти Палатаи савдо ва саноати ҶТ хабар доданд, аз ҷониби Тоҷикистон дар ҷаласа раиси ПСС ҶТ Шариф Саид ширкат дошт.
Шариф Саид зимни суханрониаш зикр намуд, ки Тоҷикистон ҷонибдори вақтҳои наздиктарин дар ҳудуди Маркази намоишгоҳи умумирусиягӣ пайдо кардани дастрасӣ аз бинои махсуси намоишгоҳ мебошад.
Раиси Палатаи савдо ва саноати ҶТ зикр намуд, ки имсол Тоҷикистон ҳамраисии Шӯрои роҳбарони палатаҳои савдо саноати ИДМ - ро қабул намуд, бинобар ин мо пешниҳод менамоем, ки намоишгоҳ доир намуда, перомуни он тавзеҳоти муфассал дода шавад. Ин имкон медиҳад, ки мардум бо имкониятҳои Тоҷикистон аз наздик шинос шаванд.
Шариф Саид ҳамчунин бо Директори генералии Ҷамъияти саҳҳомии кушодаи Маркази намоишгоҳи умумирусиягӣ Алексей Микушко ва муовини раиси Кумитаи иҷроия - Котиби иҷроияи ИДМ Анатолий Дрон мулоқот анҷом дод. Дар ҷараёни мулоқот масъалаҳои ҳамкории тиҷоратию иқтисодӣ дар бахши намоишгоҳу ярмаркаҳо мавриди муҳокима қарор гирифтанд.
АМИТ «Ховар»
