Душанбе, 10 январ. (ТВ "Сафина", В. Муродов) - Соли гузашта баҳри ҷалб намудани сармояи хориҷӣ, пайдо намудани шарикони ҳамкори хориҷ ва таъсис додани корхонаи муштарак 136 вохўрӣ бо як қатор намояндагони сафорат, палатаҳои хориҷӣ ва корхонаю ташкилотҳо гузаронда шуд. Инчунин маводи электори бо номи «Раҳнамои тиҷорат» таҳия гардид, ки дар он иттилооти муфид доир ба 630 ташкилоти ҷумҳурӣ ва 315 лоиҳаи сармоягузорӣ ҷой дода шудааст. Иқдоми мазкур барои ҷалби инвеститсия ба соҳаи савдо ва саноати Тоҷикистон мусоидаит мекунад. Соли сипаришуда дар шаҳри Душанбе 4 намоишгоҳ баргузор шуд.

Ҳамзамон Ҷумҳурии Тоҷикистон дар аксари намоишгоҳҳои бузурге, ки дар кишварҳои Аврупо ва Осиё баргузор гардид ширкат намуда ба ҳамин восита дастовардҳои соҳаи саноат, имкониятҳои сармоягузорӣ ва захираҳои нодири табии кишвар миёни ҷаҳониён муаррифӣ гардиданд. Яке аз вазифаҳои дигари Палатаи савдо ва саноати Ҷумҳурии Тоҷикистон баргузории бизнес форумҳо мебошад, ки дар соли равом тибқи нақша соҳибкорони тоҷик бо намояндагони соҳаи истеҳсолот ва савдои кишварҳои шарқу ғарб вохўриҳои судмандро анҷом доданд.