Душанбе, 10 январ. (ТВ "Сафина", В. Муродов) - Дар он қайд гардид, ки дар соли 2011 раёсати мазкур дар самти тарбия, интихоб ва ҷобаҷогузории кадрҳои соҳаи хизмати давлатӣ тадбирҳои заруриро анҷом дод. Аз ҷумла дар соли сипаришуда ба механизми ҷобаҷогузории кадрҳои хизмати давлатӣ технологияҳои муосири ҷобаҷогузории кадрҳо илова гардид. Аз ҷумла дар баробари ташкилу баргузории озмун, аттестатсия. Захира инчунин ротатсияи кадрҳо ва баҳодиҳии ҳар солаи кадрҳо дар охири сол ҷорӣ карда шуд. Ин тадбирҳо ба хотири беҳтар гардидани ҷоивазкунии кадрҳо, сифати корӣ хизматчиёни давлатӣ ва таъмини иџрои функсияҳои мақомоти давлатӣ роҳандози мегардад.

Таҳлилҳо нишон медиҳанд, ки дар давоми соли 2011 ба раёсати хизмати давлатӣ 3143 мкавод ворид шудааст, ки аз онҳо 903 адад барои баррасӣ буда, 2240 мавод дархосту ахбороти мақомоти давлатӣ оид ба теъдоди хизматчиёни давлатӣ, натиҷаҳои озмун ва атестатсияҳои баргузоршуда, пешниҳоди рўйхати захираи кадрҳо, татбиқи кафолатҳои иҷтимоӣ, таҳсили хизматчиёни давлатӣ ва дигар масъалаҳои соҳа мебошад.

Зикр шуд, ки дар давраи ҳисоботӣ 13 лоиҳаи қонунҳо аз ҷониби раёсат таҳия ва барои тасдиқ пешниҳод гардид. Ҷиҳати назорати риояи талаботи қонунгузории хизмати давлатӣ аз ҷониби мақомоти давлатӣ фаъолияти 33 мақомоти маҳаллии ҳокимияти давлатии шаҳру ноҳияҳо санҷида шуд.