Имрўз Президенти кишвар Эмомалӣ Раҳмон 15 нафари ба вазифаҳои роҳбарӣ дар вазорату идораҳо ва дигар мақомоти идораи давлатӣ пешбаришударо барои сўҳбат ба ҳузур пазируфт.
Душанбе, 10 январ. (ТВ "Сафина", Карим Азизов) - Аз онҳо 8 нафар занони кордону болаёқат мебошанд, ки ба вазифаҳои роҳбарӣ ба мақомоти марказии идораи давлатӣ таъин шуданд.
Ҳамин тариқ Ҷамила Саидова Муовини вазири кишоварзӣ, Манзура Маҳкамова Муовини раиси Кумитаи давлатии сармоягузорӣ ва идораи амволи давлатӣ, Марҳабо Алимова Муовини Раиси Кумитаи Кор бо занон ва оилаи назди Ҳукумати Ҷумҳурии Тоҷикистон,Татяна Холмуродова муовини сардори Хадамоти алоқа, Каромат Саидова Муовини директории Агентии Стандатизатсия, метрология, сертификатсия ва назорати савдо, Елена Лашкарбекова Муовини Раиси Ширкати саҳҳомии холдинги кушодаи Барқи Тоҷик, Марҳабо Султонова Муовини директори генералии корхонаи воҳиди давлатии Хоҷагии манзилию комуналӣ ва Барно Саидалиева Муовини директории Маркази миллии қонунгузории назди Президенти Ҷумҳурии Тоҷикистон таъин гардиданд.
Сарвари давлат Эмомалӣ Раҳмон бонувон ва дигар нафарони ба вазифаҳои баланди давлатӣ таъиншударо ба кору хидмати содиқонаю софдилонаи ба нафъи халқу Ватан равонагардида, тарбияи кадрҳо ҷавони болаёқат ва саҳмгузорӣ дар таъмини рушди бонизоми Тоҷикистони азиз ҳидоят намуд.
