ки таҳти раёсати муовини якуми раиси Маҷлиси намояндагон Амиршо Миралиев баргузор гардид, баррасӣ шуд.

Душанбе, 9 январ. (ТВ "Сафина", З. Каримов) - Вакилон зимни шарҳу тавзеҳи лоиҳаи Қонуни мазкур изҳор доштанд, ки ин лоиҳа дар заминаи фаъолиятҳои инноватсионӣ шароити боз ҳам мусоидтаре фароҳам хоҳад овард.

Дар Шўро ҳамчунин Созишномаи Гурўҳи Евроосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи барҳамдиҳии ташкилотҳои қарзӣ» ва Созишномаи байни Ҳукумати Ҷумҳурии Тоҷикистон ва Ҳукумати Давлати Қатар оид ба ҳавасмандкунӣ ва кафолати сармоягузорӣ мавриди баррасӣ қарор гирифтанд.

Дар Шўро таъкид шуд, ки бо мақсади таъмини намудани шаффофият дар фаъолияти соҳаҳои гуногуни мамлакат ҳар моҳ як маротиба дар Маҷлиси намояндагон ва дар кумитаҳои ин мақоми олии қонунгузори мамлакат муҳокимаҳои парлумонӣ доир карда шаванд.