Душанбе, 6 январ. (ТВ "Сафина", Муродов В.) -Дар ин чорабинӣ фаъолияти 20 соли дипломатияи тоҷик мавриди баррасӣ қарор дода шуд.
Аз ҷумла зикр шуд, ки соли 1992-юм яъне соли аввали соҳибистиқлолии кишвар 51 давлати ҷаҳон бо Тоҷикистон муносибатҳои дипломатирро барқарор намуданд. Имрўз 147 давлати ҷаҳон соҳибистиқлолии кишварамонро расман эътироф кардаанд Айни ҳол Ҷумҳурии Тоҷикистон бо 124 кишавр муносибатҳои дипломатӣ дорад.

Қобили зикр аст, ки яке аз кишварҳое, ки нахустин шуда соҳибистиқлолиии Ҷумҳурии Тоҷикистонро эътироф намуда, муносибатҳои дипломатиро бо кишвар барқарор кардааст ин Чумҳурии Мардумии Чин мебошад. Ҳанўз 13-уми марти соли 1992 сафоратхонаи ин кишвар дар шаҳри Душанбе ба фаъолият оғоз кард. То ин замон 160 санади муҳими дуҷониба миёни Ҷумҳурии Тоҷикистон ва Чумҳурии Мардумии Чин ба имзо расонда шудааст. Дар 5 соли охир бошад табодули мол бо ин кишвар 15 маротиба афзоиш ёфтааст.

Дар нишасти матбуотӣ инчунин муносибатҳои дипломатии Ҷумҳурии Тоҷикистон бо дигар кишварҳои минтақа ва ҷаҳон таҳлилу баррасии гардид.