дар мавзӯи «Мустаҳкам намудани иқтидори Парламенти Ҷумҳурии Тоҷикистон дар бахши молияи давлатӣ» баргузор шуд.
Душанбе, 23 декабр. (ТВ "Сафина", Ф. Зардакова) - Семинари мазкурро раиси кумитаи иқтисод ва молияи Маҷлиси намояндагон Сафаралӣ Раҷабов ифтитоҳ намуда, изҳор дошт, ки дар натиҷаи гуфтушуниҳои дутарафа, мутобиқи Ёддошти ҳусни тафоҳуми байни Маҷлиси намояндагони Маҷлиси Олии Ҷумҳурии Тоҷикистон ва Бонки Умумиҷаҳонӣ дар назди Кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон Котибот оид ба татбиқи лоиҳаи таҳким бахшидани иқтидори Парлумон дар ҷараёни омодасозӣ, мониторинг ва иҷрои Буҷети давлатӣ таъсис дода шуд.
Зикр гардид, ки то давраи ба фаъолият шурӯъ намудани Котибот аз тарафи Кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон дар якҷоягӣ бо Бонки Умумиҷаҳонӣ дар доираи ташкили котибот як қатор корҳо, аз ҷумла, баргузор кардани озмун барои ҷалби мутахассисон ба котиботи мазкур, гузаронидани таҳлил ва ташхиси молиявӣ вобаста ба ҷараёни буҷет ҷиҳати баланд бардоштани савияи дониши мутахассисони интихобгардида ва дигар корҳои марбут ба фаъолиятҳои котиботи мазкур ба анҷом расонида шуданд.