Душанбе, 5 декабр. (ТВ "Сафина", Муродов В.) - Дар он сиёсатшиносон, таҳлилгарон, намояндагони мақомоти давлатӣ ва воситаҳои ахбори омма ширкат намуданд.
Дар ин чорабинӣ таҷрибаи давлатҳои мутаррақӣ оид ба масъалаҳои мубориза бо коррупсия ва корҳои дар ин самт анҷомдода дар Ҷумҳурии Тоҷикистон мавриди баррасӣ қарор дода шуд.
Дар баромади иштирокчиён зикр шуд, ки маҳз амалҳои номатлуби коррупсионӣ пояҳои иқтисодию ичтимоии давлатро суст менамояд. Ришвахурӣ ва ришваситонӣ дар мақомоти давлатӣ метавонад тамоми соха, аз ҷумла сектори хусусиро аз инкишоф боз дорад.

Таъкид гардид, ки дар бартараф намудани ҳолатҳои номатлуби коррупсионӣ бояд аҳли зиё фаъол бошанд.
Дар мизи мудаввар инчунин таҷрибаи дигар давлатҳо дар бобати мубориза бо коррупсия таҳлил гашта, ба роҳ мондани он дар Ҷумҳурии Тоҷикистон низ мувофиқ дониста шуд.