Имрўз 2-юми декабр дар саҳни бинои Маркази таълимии калонсолони Ҷумҳурии Тоҷикистон ярмаркаи умумишаҳрии ҷойи кории холӣ ва вазифаҳои озод баргузор шуд.
Душанбе, 2 декабр. (ТВ "Сафина", Муродов В.) - Дар ин чорабинӣ, ки маротибаи 30-юм барпо мешавад, 40 корхонаю муассисаи шаҳри Душанбе иштирок намуда, ба корҷўён 2061 ҷойи кори холӣ пешниҳод намуданд.
Бояд гуфт, ки аз маҷмўи корҳои холӣ 1 ҳазору 102 касбу кор мутааллиқ ба занон буд. Тибқи ҳисоботи оморӣ, то ин замон дар шаҳри Душанбе дар рафти чунин ярмаркаҳо, ки мақсадашон мусоидат ба беҳдошти сатҳи зиндагии мардум ба воситаи ҷалби онҳо ба корҳои доимӣ ва мавсимӣ мебошад, 862 нафар ба ҷойи кор таъмин гашта, 413 нафар барои кабомўзӣ роҳхат гирифтаанд.
