Дар шароити замони муосир Парчам дар баробари рамз ва ё муқаддасоти миллӣ буданаш, ҳамчунин нишони асосии соҳибистиқлолии ин ё он халқу миллат дониста мешавад.
Душанбе, 23 ноябр. (ТВ "Сафина", М.Зокиров) - Аз он ки истиқлолияту озодӣ ниёзи якумраи инсон буда, ба хотири дастёбӣ ба ин неъмати бебаҳо одам тамоми умрашро сарф мекунад, табиист, ки ба рамзи мустақилият-Парчам низ таваҷҷўҳ зиёд аст. Ин нуқта дар маҷлиси тантанавии кормандони Раёсати Сабти асноди ҳолати шаҳрвандии Вазорати адлияи мамлакат таъкид шуд.
Зикр гардид, ки давоми се соле, ки дар Тоҷикистон 24 ноябр ҳамчун рўзи парчами давлатӣ таҷлил карда мешавад, ҳусни таваҷҷўҳи мардум, махсусан ҷавонону наврасон ба муқаддасоти миллӣ бештар гардидааст ва аҳолии мамлакат ҳарчи бештару беҳтар мафҳуми озодии ватану арзишҳои миллиро дарк мекунанд ва ба он арҷ мегузоранд. Дар ин самт нақши мақомоти ҳуқуқии давлатию ҷамъиятӣ, аз ҷумла кормандони Сабти асноди ҳолати шаҳрвандӣ низ бояд зиёд бошад. Зеро таъкид шуд дар ҳамоиш, кормандони ин сохтор аз нахустин рўзҳои таваллуд бо инсон сару кор дорад ва метавонад дар таълиму тарбияи фарзанд дар рўњияи ватандўстию ифтихори миллӣ саҳми бевосита дошта бошанд. Вобаста ба ин, аз тамоми роҳбарони шўъбаҳои сабти асноди ҳолати шаҳрвандӣ даъват ба амал оварда шуд, ки ҳангоми барасмиятдарории ҳуҷҷату санадҳо ва муносибат бо мардум волоияти арзишҳои миллиро дар мақоми аввал гузоранд.
