Душанбе, 21 ноябр. (ТВ "Сафина" Муродов В.) - Ширкаткунандагони чорабинӣ аз афзалияти мавҷудияти ин арзиши миллӣ сухан гуфта, таъкид доштанд, ки қабули Парчам ҳамчун асоси давлатдорӣ имконият фароҳам овард, ки Тоҷикистон ба сифати кишвари соҳибистиқлол аз ҷониби ҷомеаи ҷаҳонӣ эътироф гардад. Ба ин хотир мавҷудияти рамзҳои давлатӣ бешубҳа ба ҳайси арзишҳои миллӣ шомил мешаванд ва он ифтихори ҳар шаҳрванди мамлакат аст. Ҳамзамон ширкаткунандагони ҷамъомад таъкид доштанд, ки ҳифзи парчам ва дигар рамзҳои давлатӣ аз таҳкими решаҳои худшиносиву ватандўстӣ дар ҷомеаи Тоҷикистон гувоҳӣ медиҳад.
Зикр шуд, ки дар низоми давлатдорӣ ва умуман дар ҳаёти ҳамаррўзаи ҳар як фарди худогоҳу хештаншинос парчам нақш ва мавқеи хосаи худро дорад.