Душанбе, 21 ноябр. (ТВ "Сафина" Ф. Зардакова) - Аъзои Шўро лоиҳаи қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон, лоиҳаи қонунҳои Ҷумҳурии Тоҷикистон «Дар бораи консессияҳо», «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2011», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи карантини растанӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини амнияти санитарию эпидемиологии аҳолӣ», «Дар бораи нигоҳдорӣ ва истифодабарии оқилонаи захираҳои генетикии набототи корам»-ро муҳокима карданд.
Дар Шўро ҳамчунин Ёддошти тафоҳум байни Вазорати энергетика ва саноати Ҷумҳурии Тоҷикистон ва Вазорати корҳои хориҷии Ҳиндустон дар бораи таҷдиди (навсозии) Нерўгоҳи барқи обии Варзоб-1 дар Ҷумҳурии Тоҷикистон ва Дар бораи даъват кардани ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати чорум баррасӣ гардиданд.
Раисони кумитаҳои Маҷлиси намояндагон ва дигар аъзои Шўро роҷеъ ба масъалаҳои ба рўзнома воридгардида андешаронӣ намуда, иброз доштанд, ки ҳамаи лоиҳаи қонунҳои баррасишаванда барои беҳтар гардидани вазъи некўаҳволии мардум барои баррасӣ ба Шўрои Маҷлиси намояндагон пешниҳод шудаанд.