Тавре президенти Палатаи савдо ва саноати Федератсия Русия Сергей Катирин дар иҷлосияи IX Шӯрои роҳбарони палатаҳои савдо ва саноати кишварҳои аъзои ИДМ изҳор дошт, Русия ваколатҳои раиси Шӯроро ба Тоҷикистон супурд.
Душанбе, 11 ноябр. - Дар маҷлис масоили ҳамкории палатаҳои миллии кишварҳои ИДМ бо палатаҳои савдо ва саноати минтақавӣ ва доир намудани намоишгоҳҳо баррасӣ шуданд.
Хотирнишон месозем, ки Шӯрои роҳбарони палатаҳои савдо ва саноати давлатҳои аъзои ИДМ соли 2002 дар шаҳри Маскав таъсис ёфта буд. Мақсади асосии фаъолияти Шӯро иборат аз дастгирии соҳибкории қонунӣ дар қаламрави кишварҳои Иттиҳод мебошад. Ба ташкилоти мазкур баробари Федератсияи Русия ҳамчунин Арманистон, Беларус, Қазоқистон, Қирғизистон, Молдова, Тоҷикистон ва Украина шомиланд.
Ҷаласаи навбатии Шӯро моҳи октябри соли 2012 дар шаҳри Душанбе баргузор мешавад.
