Душанбе, 24 октябр. (ТВ "Сафина", Муродов В.) - Конфронси мазкурро Шўрои ҳамоҳангсозии ҳамватанони Россия ташкил намуда дар он намояндагони табаъаи русзабон аз тамоми минтақаҳои мамлакат ширкат намуданд. Дар ифтитоҳи он сафири фавқулодда ва мухтори Федератсияи Россия дар Ҷумҳурии Тоҷикистон Юрий Попов доир ба муносибатҳои фарҳангӣ, илмӣ ва умумиятҳои таърихии ду миллати дўст- тоҷикону русҳо маърўза кард. Зикр шуд, ки то ҳанўз мардуми русзабони Тоҷикистон, ки ҳазорҳо нафарро ташкил медиҳанд ва ин сарзаминро барои худ Ватан интихоб кардаанд дар рушду инкишофи соҳаҳои илму фарҳанг саҳми худро мегузоранд.
Дигар иштирокчиёни ин конфронс атрофи беҳтар намудани фаъолияти ҷамъиятҳои русзабон дар Тоҷикистон маърўза карданд.