Алии Лориҷонӣ, Раиси Маҷлиси Шӯрои Исломии Ҷумҳурии Исломии Эрон 20 октябр бо як ҳайати баландпояи парлумонӣ ба Тоҷикистон меояд.
Душанбе, 17 октябр. - Назар ба иттилои Ҳусайн Ширхонӣ, масъули бахши матбуоти Сафорати Эрон дар Душанбе, ҳадафи сафари Алии Лориҷонӣ ба Тоҷикистон таҳкими ҳамкориҳои байнипарлумонии Тоҷикистону Эрон аст.
Интизор меравад, ки Раиси парлумони Эрон зимни сафараш ба Тоҷикистон бо Раисони палатаҳои парлумони Тоҷикистон- Маҷлиси миллӣ Маҳмадсаид Убайдуллоев, Маҷлиси намояндагон Шукурҷон Зуҳуров мулоқот намуда, таҳкими ҳамкориҳои гуногунсоҳаи Тоҷикистону Эрон ва масъалаҳои марбут ба минтақаро баррасӣ мекунад.
Ҳамчунин, Раиси парлумони Эрон дар Донишгоҳи миллии Тоҷикистон бо олимону донишмандони тоҷик вохурӣ менамояд.
Вохӯрии Алии Лориҷонӣ бо эрониёни муқими Душанбе низ дар назар дошта шудааст.
