Кӯлоб, 12 октябр. - Дар ин замина дар шаҳри Кӯлоб бо ташаббуси соҳибкор Абдусаттор Қосимов нуқтаи фурӯши сӯзишворӣ ва маркази таъмирию хизматрасонии техникии мошинҳои сабукрав ба истифода дода шуд. Маврид ба ёдоварист, ки дар сохтмони бинои мазкур сохтмончиёни Ҷамъияти масъулияташ махдуди «Нури Дилшод» саҳм гузошта, иншоотро дар мӯҳлати муайяншуда ва бо сифати баланд сохта ба истифода доданд. Ба гуфти мутасаддиён нуқтаи фурӯши сӯзишворӣ иқтидори гунҷоиши ҳазор литр сӯзишвориро доро аст.

Ҳамчунин аз ҷониби шаҳрванд Одинаев Анвар ду иншооти дигар ба истифода дода шуд. Ба кор шурӯъ намудани ин иншоот барои бо ҷойи кори доимӣ таъмин намудани шаҳрвандон ва беҳтар шудани сатҳи хизматрасонӣ мусоидат мекунад.