Ҷаласаи Шўрои СММ дар Женева
6 октябр 2011 | Хонданд: 263 нафар | Ҷамъият
5-уми октябри соли ҷорӣ дар Женева Ҷаласаи Шўрои Созмони Милали Муттаҳид оид ба ҳуқуқи инсон доир гардид, ки дар он ҳисоботи даврии Тоҷикистон оид ба ҳуқуқи инсон мавриди муҳокима қарор дода шуд.
Душанбе, 6 октябр. (ТВ «Сафина», М. Зокиров). – Тавре роҳбари гурўҳи намояндагии Ҷумҳурии Тоҷикистон Вазири адлияи Ҷумҳурии Тоҷикистон Бахтиёр Худоёров хабар дод, дар муҳокимаронии ин масъала намояндагони 47 давлати иштирокчии Шўро суханронӣ карда, 42-тои он рушди Тоҷикистонро дар бобати ҳифзи ҳуқуқи инсон назаррас арзёбӣ карданд. Шўрои Созмони Милали Муттаҳид дар қарори қабулкардаи худ фаъолияти Ҷумҳурии Тоҷикистонро оид ба ҳифзи ҳуқуқи инсон мусбӣ баҳогузорӣ кард.
Хотиррасон менамоем, ки дар ҳайати гурўҳи намояндагии Ҷумҳурии Тоҷикистон Прокурори генералии Ҷумҳурии Тоҷикистон Салимзода Шерхони Одина, ваколатдор оид ба ҳуқуқи инсон Зариф Ализода, Раиси Шўрои адлияи Ҷумҳурии Тоҷикистон Зафар Азизов ва муовини Вазири корҳои дохилии Ҷумҳурии Тоҷикистон Рамазон Раҳимов шомил мебошанд.
