Душанбе, 4 октябр. - Дар Форум масъалаҳои марбут ба чорабиниҳои муштарак вобаста ба ҳамкорӣ дар соҳаи маорифу тарбия, илм ва инноватсия, фарҳанг ва санъат, дастгирии насли ҷавони Иттиҳод, экология ва ҳифзи муҳити зист ва туризми фарҳангию омӯзишӣ, варзиш ва ҳаёти солим дар ИДМ мавриди баррасӣ қарор хоҳад гирифт.

Чорабинии мазкур ҳар сол бо навбат дар давлатҳои аъзои ин созмон доир мегардад ва ба иштирокчиёни худ имконияти баррасии масъалаҳои рушди ҳамкории гуманитариро фароҳам меорад.

Дар Форуми шашуми зиёиёни илмию эҷодии давлатҳои аъзои Иттиҳоди Давлатҳои Мустақил иштироки ҳайати Ҷумҳурии Тоҷикистон низ дар назар аст.