Аз 2 то 4 ноябри соли 2011 дар шаҳри Остонаи Ҷумҳурии Қазоқистон Намоишгоҳи 13-умини байналхалқии кишоварзӣ ва саноати хӯроквории «Агропродэкспо»-и Қазоқистон баргузор мегардад
Душанбе, 4 октябр. - Дар намоишгоҳи мазкур корхонаҳо ва ширкатҳои маводи ғизоии ҶТ иштирок менамоянд.
Ширкати намоишгоҳи байналхалқии «Атакент-Экспо» бо дастгирии расмии Вазорати кишоварзии Қазоқистон, Ҳукумати шаҳри Остона таҳти васояти Шӯрои роҳбарони Палатаҳои савдо ва саноати давлатҳои аъзои Иттиҳоди давлатҳои мустақил ташкилкунандагони намоишгоҳи мазкур маҳсуб мешаванд.
Ҳадафи баргузории намоишгоҳ ба маърази тамошо гузоштани дастовардҳои истеҳсолкунандагони маҳсулоти ватанию хориҷӣ, таҷҳизот, мошинолот ва технологияҳои муосир мебошад.
