Душанбе, 3 октябр. - Тарбияи кадрҳои соҳаи фарҳанг ва санъат: анъанаҳои миллӣ ва тамоюлҳои муосир» ифтитоҳ мегардад. Дар чаҳорчӯбаи ин барнома рӯзи аввал ду чорабинӣ роҳандозӣ мешавад. Ректори Донишгоҳи давлатии фарҳанг ва санъати шаҳри Маскав Рамазон Абдулатифов дар Академияи илмҳо суханронӣ карда ва китоби худ «Халқи тоҷики ман» - ро муаррифӣ менамояд.

Дар нимаи дуюми рӯз дар толори мусиқии органнии Донишкадаи давлатии санъати Тоҷикистон ба номи М.Турсунзода, консерти мусиқии органнӣ баргузор гардида, дар он Ҳунарпешаи мардумии Русия, ректори Консерваторияи давлатии Қазон ба номи Н.Г.Жиганова Рубин Абдуллин ва Зулфия Халилова (аз Олмон) ҳунарнамоӣ мекунанд.

Кумитаи Шӯрои Федератсия оид ба корҳои ИДМ, вазоратҳои фарҳанг ва маорифи Тоҷикистону Русия, донишкадаҳои олӣ, «Ҷамъияти дӯстӣ ва ҳамкорӣ бо Тоҷикистон» ташкилкунандагони ин чорабинии калон маҳсуб мешаванд.

4 октябр маросими ифтитоҳи ботантана ва маҷлиси умумии симпозиум баргузор гардида, дар чаҳорчӯбаи барномаи фарҳангӣ ба иштироккунандагони он филми мустанад дар бораи симпозиум намоиш дода, консерти калони устодони санъати Тоҷикистон ва Русия баргузор мегардад.