Душанбе, 26 сентябр. (ТВ «Сафина», Муродов В.). - Дар рўзи аввали ҷаласа роҳбарони вазоратҳои адлияи Иттиҳоди Давлатҳои Мустақил масъалаҳо доир ба Созишномаи ҳамкории вазоратҳои адлияи Иттиҳоди Давлатҳои Мустақил, оид ба омода намудани Созишномаи ҳамкорӣ дар бораи расонидани ёрии ҳуқуқӣ ва мубодилаи иттилоот ҳангоми амалӣ намудани иҷрои маҷбурии қарорҳои суд, санадҳои дигар мақомот ва шахсони мансабдор, доир ба таҷрибаи Ҷумҳурии Белорус дар соҳаи мутобиқгардонии ҳуқуқи байналмилалии гуманитарӣ ва ғайра мавриди баррасӣ қарор доданд. Зикр гардид, ки дар 20 соли таъсисёбии Иттиҳоди Давлатҳои Мустақил аъзои Шўрои вазирони адлия тавонистанд дар якҷоягӣ барои комилгардонӣ ва ба меъёрҳои байналмилалӣ мутобиқ намудани асноди вобаста ба ҳуқуқ корҳои назаррас анҷом диҳанд. Дар назди шўро боз дигар масъалаҳои мубрами ҳуқуқӣ гузошта шудаст, ки дар ҷаласаҳои оянда мавриди баррасӣ қарор дода мешаванд.