Душанбе, 15 сентябр. (ТВ «Сафина»).- Сабаби ин асосан дар мамлакат бунёд шудани корхонаю коргоҳҳои нави коркарди пахта ва аз он истеҳсол намудани маҳсулот унвон мешавад.

Ба иттилоъи масъулони Вазорати энергетика ва саноати Ҷумҳурии Тоҷикистон «Масалан, корхонаи нассоҷие, ки соли гузашта бо иштироки Иттиҳодияи истеҳсолии «Нассоҷии тоҷик» дар шаҳри Норак рўи кор омад, дар чаҳорчўбаи Барномаи давлатии коркарди нахи пахта нишондиҳандаҳои худро беҳтар намуда, соле то 2000 тонна нахи пахтаро коркард менамояд». Корхонаҳои нассоҷии вилояти Суғд ҳам нишондиҳандаҳои истеҳсолии худро беҳтар намуданд.

Қобили зикр аст, ки дар давраи ҳисоботӣ корхонаҳои коркарди нахи пахта ба маблағи беш аз 250 миллион сомонӣ маҳсулот бароварданд, ки ин назар ба нишондиҳандаҳои ҳамин давраи соли гузашта баробари 13 фоиз зиёд аст.