Таомҳои тоҷикӣ ба китоби ҷопонӣ шомил шуданд
14 сентябр 2011 | Хонданд: 381 нафар | Ҷамъият
Дар Ҷопон китобе таҳти унвони «Дастархони сафоратҳо» интишор гардид, ки аз пухту пази тамомҳои миллии бархе кишварҳо нақл мекунад.
Душанбе, 14 сентябр. - Ба ин китоб таомҳои миллие шомил шудаанд, ки 48 сафорат аз ҷумлаи 211 сафорату созмонҳои байналмилалии муқими Ҷопон пешниҳод намудаанд. Мувофиқи хабари Вазорати корҳои хориҷии Ҷумҳурии Тоҷикистон, ду саҳифаи китоб ба таомҳои миллии тоҷикӣ ва усулҳои пухту пази онҳо бахшида шудаанд. Ин маълумотро Сафири Фавқулодда ва Мухтори Ҷумҳурии Тоҷикистон дар Ҷопон Ғуломҷон Бобозода дастраси ҷониби Ҷопон намуд. Қобили зикр аст, ки қаблан шабакаи телевизиони «Фуҷи» - и Ҷопон тайи панҷ рӯз барномаи махсусро перомуни Тоҷикистон ва таомҳои миллии тоҷикон ба маърази намоиш гузошта буд.
