Се нафар ҳунармандони тоҷик дар нахустин намоишгоҳи байналмилалии ҳунарҳои дастии Эрон,
ки аз 11 то 17 сентябр дар шаҳри Буҷнури вилояти Хуросони Шимолии Эрон баргузор мегардад, иштирок менамоянд.
Душанбе, 7 сентябр. - Назар ба иттилои Ҳуҷҷатуллоҳ Аюбӣ, Раиси муассисаи фарҳангии ЭКО, дар намоишгоҳ инчунин ҳунармандон аз кишварҳои Афғонистон, Эрон, Покистон, Туркия, Озарбойҷон ва Қазоқистон иштирок намуда, ҳунарҳои дастии худро ба намоиш ва фурӯш мегузоранд. Ҳадафи баргузории намоишгоҳ ташаккули ҳунарҳои дастӣ ва эҳёи онҳо буда, намоишгоҳ бо намоиши қолин, ки аз ҷониби ҳунармандони эронӣ дар ҳаҷми 2 метр бофта шудааст, ифтитоҳ меёбад.
Интизор меравад, ки ҳунармандони тоҷик дар намоишгоҳи байналмилалии Эрон либосҳои миллии тоҷикӣ ва навъҳои гуногуни ҷавоҳироти сохтаи худро ба намоиш ва фурӯш мегузоранд.
