Маҷлиси Шӯрои ҳамоҳангсозии ИМД
29 август 2011 | Хонданд: 330 нафар | Ҷамъият
Дар шаҳри Душанбе таҳти раёсати вазири молияи Ҷумҳурии Тоҷикистон Сафаралӣ Наҷмиддинов иҷлосияи дуюми Шӯрои ҳамоҳангсозӣ аз рӯи масъалаҳои истифодаи маблағҳои давлатӣ баргузор шуд.
Душанбе, 29 август - Дар маҷлис ҷараёни татбиқи Стратегияи истифодаи маблағҳои давлатӣ дар давраи солҳои 2009 - 2011 мавриди муҳокима қарор гирифта, ҳамчунин Нақшаи нави сесолаи фаъолияти стратегияи истифодаи маблағҳои давлатӣ барои давраи солҳои 2012 – 2014 баррасӣ шуд.
Шӯрои ҳамоҳангсозӣ Стратегияи такмили низоми муҳосиботи бахши давлатии Тоҷикистон барои давраи солҳои 2011 – 2018, Нақшаи сармоягузории густариши фаъолияти бахши андоз барои солҳои 2012 – 2014, стратегияи идораи таълимоти Вазорати молияи Ҷумҳурии Тоҷикистон ва Нақшаи стратегии рушди Сарраёсати хазинаи марказии Вазорати молияи Ҷумҳурии Тоҷикистон барои солҳои 2011 – 2016 – ро тасдиқ намуд.
