5 август дар шаҳри Душанбе мизи мудаввар дар мавзӯи «Муроҷиати шаҳрвандон ҳамчун василаи иштирок дар корҳои давлатӣ» баргузор мегардад.
Душанбе, 3 август - Иттиҳодияи ҷамъиятии ҷумҳуриявии «Маркази маърифату ташвиқи зиддикоорупсионӣ» якҷоя бо Ассосиатсияи миллии васоити ахбори оммаи мустақили Тоҷикистон созмондиҳандагони ин чорабинӣ маҳсуб мешаванд.
Дар кори мизи мудаввар намояндагони мақомоти давлатии ҳифзи ҳуқуқ, ВАО, созмонҳои байналмилалии ҳифзи ҳуқуқ иштирок менамоянд.
Бино ба иттилои Ассосиатсияи миллии ВАО мустақили Тоҷикистон дар ҷараёни ин чорабинӣ масъалаҳои асосҳои ҳуқуқии муроҷиати шаҳрвандон ва муроҷиати онҳо ба мақомоти ҳокимият ҳамчун василаи иштирок дар қабули қарорҳо мавриди муҳокима қарор мегиранд.
