Рӯзи шаҳри Хуҷанд дар Душанбе
2 август 2011 | Хонданд: 367 нафар | Ҷамъият
Рӯзи шаҳри Хуҷанд, ки ба 20-солагии Истиқлолияти Ҷумҳурии Тоҷикистон бахшида шуда буд, 1 август дар боғи «Дӯстии халқҳо»-и ноҳияи Фирдавсии шаҳри Душанбе доир гардид.
Душанбе, 2 август. - Дар чорабинии мазкур намоиши комёбиҳои заҳматкашони тамоми соҳаҳои хоҷагии халқ, аз ҷумла соҳаи фарҳанг, маориф, тандурустӣ ва дастовардҳои маркази маъмурии вилояти Суғд дар тӯли 20 соли соҳибистиқлолӣ баргузор гардид.
Аз ҷониби Ҷамъияти саҳҳомии «Атласи Хуҷанд» 40 намуди матои атлас, ки баъди таҷдид ва тармими пурраи корхона истеҳсол шудааст, ба маърази тамошо гузошта шуд.
