Душанбе, 22 июл. - Дар кори он намояндаҳои гуногуни мақомоти давлатӣ, аъзои Шӯрои ҳамоҳангсозии ассотсиатсияҳои соҳибкорони Тоҷикистон ва шарикони рушд иштирок намуданд.
Муовини Вазири рушди иқтисод ва савдои Ҷумҳурии Тоҷикистон С.Назриев дар ин маъракаи муҳим иброз дошт, ки Агентии мазкур ба рушди иқтисодиёти Ҷумҳурии Тоҷикистон саҳми калон гузоштааст. Семинари мазкур ба рушди бахши хусусӣ равона гардидааст ва яке аз соҳаҳои афзалиятнок барои Ҳукумати Ҷумҳурии Тоҷикистон дар гузариш ба иқтисод бозаргонӣ ба ҳисоб меравад. Роҳбари доимии Агентӣ Иида Ҷиро ҳадафҳои семинарро муаррифӣ намуд. Вай қайд намуд, ки семинар бо мақсади баланд бардоштани иқтидори кадрии бахши хусусӣ ташкил шудааст, зеро бахши хусусӣ қувваи асосии пешбаранда дар равандҳои иқтисодию иҷтимои Ҷумҳурии Тоҷикистон ба ҳисоб меравад.
Лозим ба ёдоварист, ки Агентии байналмиллалии ҳамкории Ҷопон (JICA) мусоидати техникии худро ба Тоҷикистон аз соли 1991 оғоз намуда, соли 2006 намояндагии худро дар Ҷумҳурии Тоҷикистон кушодааст. Агентӣ барномаҳои зеринро дар Ҷумҳурии Тоҷикистон амалӣ намуда истодааст: «Барномаи ҳифзи саломатии модару кӯдак», «Барномаи бо обтаъминкунӣ», «Барномаи пешгирии офатҳои табиӣ», «Барномаи паст кардани сатҳи камбизоатӣ бо роҳи рушди деҳот ва саноат», «Барномаи беҳтаргардонии роҳҳо ва нигоҳдории онҳо» ва «Барномаи рушди иқтидор».