Гуфтушунид бо Федератсияи Русия аз рӯи масъалаи пойгаҳи низомӣ ва майдони ҳавоии «Айнӣ» аз соли 2008 инҷониб давом дорад.
Душанбе, 19 июл. - 18 июл Вазири корҳои хориҷии ҶТ Ҳамрохон Зарифӣ дар ҷараёни нишасти матбуотӣ дар ин бора иттилоъ дод.
«Ҷонибҳо ҳанӯз ба он сатҳе нарасидаанд, ки ҳуҷҷатҳои дахлдорро имзо намоянд. Гуфтушунид аз рӯи ин масъалаҳо бидуни эҳсосоту шитобкорӣ ва дар вазъияти кордонӣ сурат мегирад», - гуфт Ҳ.Зарифӣ.
Бояд тазаккур дод, ки майдони ҳавоии «Айнӣ» дар 25 километрии қисми ғарбии шаҳри Душанбе воқеъ гардидааст. Соли 2002 Ҳиндустон бо Тоҷикистон шартномаи ҳамкории ҳарбиро имзо намуда ва дар чаҳорчӯбаи он майдони ҳавоиро бо истифодаи 70 миллион доллар тармиму таҷдид намуд.
Ҳоло дар Тоҷикистон пойгаҳи низомии дивизияи 201 – уми Русия ҷойгир аст, ки қариб шаш ҳазор сарбозу афсар дорад.
