Ба хотири сазовор пешвоз гирифтани ҷашни 20-умин солгарди Истиқлолияти давлатии Ҷумҳурии Тоҷикистон дар ноҳияи Рашт сохтмони 123 иншооти хурду бузурги ҷашнӣ босуръат идома дорад.
Рашт, 18 июл. - Айни ҳол дар маркази шаҳраки Ғарм азнавсозии роҳи марказӣ ба маблағи 1 млн. доллари ИМА идома дорад. Сохтмони роҳро ширкати роҳсозии «Синохайдро»-и давлати Чин ба дӯш дошта, анҷоми он то ҷашни Истиқлолияти кишвар дар назар аст.
Инчунин аз тарафи соҳибкорони ватанӣ бунёди даҳҳо иншооти бузург, ба монанди марказҳои савдои «Ориён», «Муҳаммадҷон» ва «Сияр» ба нақша гирифта шудаанд, ки онҳо то ҷашни 20-солагии Истиқлолият сохта ва ба истифода дода мешаванд,- иброз дошт муовини раиси ноҳия Абдузамон Нозилов. Баробари ба истифода додани ин марказҳо беш аз 30 нафар шахсони корҷӯй бо кори доимӣ таъмин мешаванд.
