Муносибатҳои дипломатӣ миёни Тоҷикистон ва Бенин
12 июл 2011 | Хонданд: 404 нафар | Ҷамъият
Дар шаҳри Ню-Йорки Амрико маросими ба имзорасии баёнияи муштарак оид ба барқарор намудани муносибатҳои дипломатӣ миёни Ҷумҳурии Тоҷикистон ва Ҷумҳурии Бенин баргузор гардид.
Душанбе, 12 июл. - Баёнияи муштаракро намояндаи доимии Ҷумҳурии Тоҷикистон дар СММ Сироҷиддин Аслов ва намояндаи доимии Ҷумҳурии Бенин дар СММ Жан-Франсуа Зинсу имзо намуданд.
Пас аз маросими баимзорасӣ сафирони Тоҷикистон ва Бенин перомуни масъалаҳои барқарор намудан ва густариш додани муносибатҳои дӯстӣ ва ҳамкории мутақобилан судманди байни ду кишвар ва масъалаҳои мухталифи рӯзномаи СММ мубодилаи афкор намуданд.
