Шаҳринав, 12 июл. - Аҳли фарҳанг, устоҳои гулдаст ва кишоварзон дар ин рӯз маҳсули ҳунари худро манзури тамошобинон менамоянд. Ин чорабинӣ ба 20-солагии Истиқлолияти давлатии Ҷумҳурии Тоҷикистон бахшида шудааст. Санъаткорону кишоварзони ҷамоатҳои «Сабо» ва ба номи А.Ҳасанов ин чорабиниро дар сатҳи баланд баргузор намуданд. Лозим ба зикр аст, ки ҳайати комиссияи бонуфузи мақомоти иҷроия дар рӯзи баргузории ин чорабинӣ фарҳанги заминдорӣ, корҳои ободонии ҳудуди ҳамон ҷамоатро санҷида, ба омодагии аҳли ҷамоат баҳои сазовор медиҳад. Дар чунин рӯзҳо корҳои хайру савоб, аз қабили тӯйи арӯсию домодӣ ва хатнатӯй баргузор мегарданд.