Даъвати ҷавонон ба сафи Қувваҳои Мусаллаҳи ҷумҳурӣ дар ВМКБ муташаккилона идома дорад.
Хоруғ, 25 апрел. - Тавре аз комиссариати ҳарбии вилоят иттилоъ доданд, навоҳии Ванҷу Мурғоб нақшаи сафарбаркунии ҷавононро ба сафи Артиши миллӣ пурра иҷро намуданд.
Ҷараёни даъвати ҳарбии ҷавонон ба сафи артиш дар навоҳии Ишкошим, Роштқалъа, Шуғнон ва Рӯшон қаноатбахш аст. Нақшаи иҷро дар ноҳияи Дарвоз 76 фоиз, дар шаҳри Хоруғ 57 ва дар вилоят 75 фоизро ташкил мекунад.
